الإعلامى والشاعر جمال الشاعر يغازل المنصورة فى عيدها القومى ال 775

البلد دي فيها سر ومهما تكبر لسه شايفنها عروسه حلوه زي بدر التمام أمورة علي راسها كحكاية بسكر و ديل الحصان مخلي مشيتها غندورة لسه شايفنها زي ماتكون عقد لولي فوق جبين الحرة مصر و ألماظاتها نجوم بتضوي فوق قلوبنا وف حبابي ننا و في كل صورة من حوالي تمنميت عام والتاريخ من فرط إعجابه سماها “جزيرة الورد”قالتله لأأنا إسمي منصورة البلد دي فيها سر وفيها فزرورة دار إبن لقمان الفخيمة شاهدة علىملك الفرنجة اللي إفتدوه وشلة القادة معاه ب تمنميت ألف دينار كلها دهبية خرج الخواجة بعدهاو نفسه مكسورة البلد دي بجد أسطورة تعظيم سلام للنسور الجسورة و لإسم مصرفي أعظمها حرب جوية البلد دي فيها سر وعبقرية فيها ثومة وفيها فاتن فيها ناجي و فيها هيكل فيها باشا اسمه علي و كل ما عمله مبارك فيها شعراوي وجاد الحق وغنيم فيها أنيس الفيلسوف و فيها وزرا مسيطين فيها علما مأصلين .. فيها سفرا بارعين فيها مجد فريد ناصع غنيوكأنه مصروف لها حصة مواهب خصوصي وراها ملايكة مأمورةالرجال في البلد دي كلهم عظمة على عظمة و البنات أعظم مافيهن إنهن وش خير ‏بناتيت ومن صغرهاناصعة و شطورة الجمال المنصوراوي ورد بلديخلطة روعة فرعونية مورسيكية اورباوية الجمال المنصوراي شيء إلهى و دم حامي وكبرياء حب وعطاء مصنع رجال حرة وأسود هصوره الجمال المنصوراوي في الشياكة والنزاهة والفلاحة والصنايع والزكاوة والعلام والطيابة والطبابة سمعة سابقاها و بضاعة ما بين الخلق مشهورة البلد فيها سر ولسه شايف نصرة جية و جيل جديد عزمه حديد مد إيدك يا زمان واجعل بلادي يا رب فايزه و مجبوره أنا المتيم في هواهالسه شايف نفسي ماشي ف شريط ذكريات .. سينما دكرنس كوبري طلخا والسكة الجديدة والملبس والجيلاتى لسه شايل أحلى أيام في حياتي جوه قلبي وجوه عقلي وجوه روحي سافرت أجمل بلاد الأرض والمعمورة لقيت غرامي الأولاني متشنكل هنا على أرضك الخضرا الطهورة لو لم أكن مصري دقهلاوي لكنت إخترت برضه أكون إبنك يا منصورة