هاجم مؤدي المهرجانات الشعبية حمو بيكا الفنان محمود العسيلي بعد تصريحه الأخير الذي أشار خلاله انتهاء موضة المهرجانات.
وقال حمو بيكا خلال استضافته في برنامج ورقة في ملف الذي يقدمه الإعلامي هيثم بسّام على قناة النهار: يبقى هو كمان موضته اتغيرت، لو نزلت دلوقتي الشارع وقولت تعرف حمو بيكا ولا محمود العسيلي هيقول حمو بيكا، هو اتكلم عن عصام صاصا وقال فيه واحد اسمه عصام صاصا طلاما عرفته يبقى سمعته، إحنا بنحترمك واللي يحترم يُحترم.
وأضاف حمو بيكا: مينفعش حد يجبلي سيرتك وأقول موضة قديمة هتنتهي يبقى أنا مش سامعلك أي حاجة في السوق.
أما عن تعامله مع الفنان مصطفى كامل نقيب المهن الموسيقية، أردف حمو بيكا: بحبه جدًا وحد محترم وهو اللي واقف جمبنا وكان نفسنا في ده من زمان وساعدنا وكفاية لو الساعة 3 الفجر أو 5 الفجر وعندي مشكلة واتصلت بيه بيرد عليا وأقوله والاقيه باعتلي مناديب وناس نزلالي بتحللي مشكلة ومتابعنا خطوة بخطوة وربنا يخليه لينا.
وأشار حمو بيكا إلى أنه يستعد لجولة حفلات في أوروبا، ومن المقرر إحيائه حفلات في كل من امستردام وبرشلونة وباريس ومن ثم قطر وتركيا والإمارات وذلك خلال الفترة المقبلة، مضيفًا: اللي سافر برا مننا تلاتة بس أنا وعمر كمال وحسن شاكوش.
الجدير بالذكر أن الإعلامي هيثم بسّام يقدم برنامج ورقة في ملف عبر شاشة قناة النهار، ويتذاع البرنامج يوم الخميس من كل أسبوع في تمام الساعة الرابعة عصرًا.
وقال حمو بيكا: مفيش حاجة مشتغلتهاش وكانت فترة جميلة وكنت في أسعد حياتي وبنام متطمن ومرتاح، وأتمنى أرجع لحياتي القديمة طبعًا، أنا شيلت مسئولية كبيرة، وكان في الأول فيه والدي ربنا يخليه ليا موفرلنا كل حاجة
وأضاف: كل بتوع الراب أخواتنا، وهما مقطعوش عينا، هو مش موجود حاليًا والمهرجان اللي موجود، دلوقتي عصام صاصا أي أغنية بينزلها لازمتتصدر التريند، فين ويجز دلوقتي؟ هو منزلش حاجة، هو ويجز حلو وابن بلدي وبيمثلنا برا وحاجة كبير، بس مش بينزل دلوقتي.
وأردف حمو بيكا: أنا لما بدات الغنا مكنش فيه غيري في الساحة، وعملت اللي نفسي فيه كله، ولما يطلع عصام صاصا أفرحله وليه أحقد عليه؟ نشجع بعضنا كمان، فيه ناس مبتحبش كده.
ورد حموب بيكا على منتقدي المهرجانات الشعبية واتهام البعض بأنها فسدت الذوق العام، قائلًا: هنخرب البلد ليه؟ إيه عملناه خربنا البلد؟ إحنا معملناش حاجة، أنا دخلت في فنادق عالية وغنيت لأمراء، وأنا معايا فرقة مكونة من 20 نفر أعضاء عاملين كلهم، ويمكن ربنا بيديني عشان الناس ديه.
حمو بيكا: مش هكمل غنا بعد 10 سنين.. وأشارك في مسرحية جديدة مع رامز جلال
أوضح مؤدي المهرجانات الشعبية حمو بيكا رأيه في استكماله مشواره الفني، مشيرًا إلى أنه لن يستمر في مشواره الفني بعد ما يقرب من عشر سنوات.
وقال حمو بيكا خلال لقائه مع الإعلامي هيثم بسّام في برنامج ورقة في ملف عبر شاشة قناة النهار: بحلم أكون مرتاح ومستور بس ومش هكمل كل الغنا ده طول الـ 10 سنين جايين ومحتاج اعمل مصلحة عشان أفضل في الحتة اللي أنا فيها.
وأضاف: وشوفت كتير فنانين مش معاهم ومش عاوز أوصل للمرحلة ديه، ويبقى أنا مش هقعد هنا لو وصلت للمرحلة ديه، وهكافح ولسه فيا نفس وهكمل المشوار.
أما عن خوضه مجال التمثيل، أردف حمو بيكا: هعمل مسرحية بإذن الله في شهر مارس الجاي في السعودية، أنا ورامز جلال، ولو دخلت مجال التمثيل هنجح طبعًا، بس اتحط في المكانة والحتة بتاعتي، والناس طالبة مني إني أمثل.
وعن رأيه في خوض مؤدي المهرجانات الشعبية حمو بيكا لمجال التمثيل مؤخرًا في فيلم الحريفة، قال بيكا: كزبرة عنده موهبة التمثيل، ليه منقفش جمبه ونساعده يكمل في المسيرة؟
وجه مؤدي المهرجانات الشعبية حمو بيكا لزملائه منهم مؤدي المهرجانات الشعبية حسن شاكوش وعمر كمال، مشيرًا إلى أنهم إذ اجتمعوا في أغنية واحدة سيحققوا نجاحًا كبيرًا.
وقال حمو بيكا خلال استضافته مع الإعلامي هيثم بسّام في برنامج ورقة في ملف على قناة النهار: إحنا لو اجتمعنا إحنا التلاتة مش هيبقى فيه حد على الساحة لو مكنتش هتزلزل العالم بحق، أنا بقولهم إحنا لو اجتمعنا في أغنية، مصر مش هتسمع غيرنا تاني، إحنا عملنا أغاني كتير ناجحة ومنها شمس المجرة وصاحبي ده دراعي.
أما عن خلافاته السابقة معهم، أردف حمو بيكا: ممكن أرد عليهم، بس ردي بيبقى مش قصدي حاجة، وبيزعلوا مني ومبرضاش أرد غير في وقت معين وهما أخواتي وبحبهم.
وأضاف: كنت بعمل أغاني وبنام في الصحراء وكنت بشتغل نجار مسلح والأغاني بتاعتي شغالة وبردو وأنا سواق توكتوك ومسبتش التوكتوك وأنا ببيض محارة وبمشي في الشارع أسمع أغاني بتاعتي في الشارع.
كما وجه رسالة لكل منتقدي الاحتفال بسبوع ابنته، قائلًا: ربنا يديني واعمل تاني والناس تتغاظ تاني، بس أنا مش بتعمد أضايق حد، وفيه ناس بتعمل أكتر من كده وبقول ربنا يديني وأعملها أكتر وأكتر وربنا بيديني، اللي يبص لعيشة الناس تحرم عليه عيشته.
واختتم حمو بيكا حديثه، قائلًا: أجري ورا حلمك عشان توصل، واشقى فيه، فيه ناس عاوزة يروحلها الرزق لحد البيت.
