انفراجة قريبا.. أحمد موسى يفجر مفاجأة مدوية عن أزمة السكر

زف الإعلامي أحمد موسى، بشرى سارة للمواطنين بشأن أزمة السكر، قائلا: «يبدو أن هناك بوادر لحل أزمة السكر.. مش بقول اتحلت علشان محدش يقول أحمد موسى قال إن الأزمة اتحلت».
وقال أحمد موسى خلال برنامج على مسئوليتي المذاع على قناة صدى البلد، اليوم الأربعاء: «أقدر أقولك على الهواء هناك انفراجة قريبا جدا في موضوع السكر وفيه ضخ كميات كبيرة من السكر بالأسواق»، موضحا أن هناك 4 شركات لصناعة السكر تضخ يوميًا 8 آلاف طن سكر بسعر 27 جنيه كيلو.
وطالب موسى، المواطنين بعدم دفع أكثر من 27 جنيه لكيلو السكر، قائلا: «متدفعش حاجة أكتر من كده ولو حد قالك أكتر بلغ عنه فورا لا هايبر ولا ماركت ولا متجر.. أي حد يبيع السكر بسعر أزيد من 27 جنيه بلغ عنه فورا أيا كان مين».
وأشار أحمد موسى، إلى أنه تم إبلاغ جميع المحالات والتجار والمبادرات بأن السعر الرسمي للسكر 27 جنيه، مؤكدا: «مفيش حاجة اسمها بـ 50 ولا 60 جنيه لحد النهاردة بسمعها».
وتابع: إحنا مش عايزين أزمات في البلد لما تتحل الأزمة نعرضها ونشكر وزارة التموين.. النهارده عمل إيجابي يبقى نقول متشكرين كما كنا ننتقدهم في وقت الأزمة، مناشدا المواطنين بالإبلاغ فورا عن التجار التي تبيع السكر بأزيد من السعر الرسمي: «ابعتلي على الهواء وأنا هبعتها للأجهزة الرقابة مش هتسيب حد يتاجر بقوت الناس».
كما ناشد أحمد موسى، الأجهزة المعنية بمتابعة السلاسل التجارية التي تبيع سلع أخرى مقابل شراء كيلو السكر، موضحا: «في متاجر تلزم المواطنين بشراء سلع بقيمة 250 جنيه علشان تاخد كيلو سكر، في أماكن معروفة وشهيرة جدا وفي أماكن تانية تلزم المواطن بشراء سلع بقيمة 100 جنيه.. الكلام ده لازم يتوقف فورا والناس تلتزم».
https://www.youtube.com/watch?v=Vf5wvH1Nv48