سلطت الإعلامية أميرة عبيد، الضوء على ما يحدث في حفلات التكنو في مصر من طقوس مخيفة ودخيلة على مجتمعنا الشرقي، وأقامتها دون الحصول على تصاريح، والتي كانت آخرها حفل المنصورية.
وأضافت أميرة عبيد خلال تقديمها برنامج “هي وهما” على قناة الحدث اليوم، طقوس الحفلة مخيفة واللي موجودين حوالي مئات من الأولاد والبنات وكلهم 15 و16 سنه دي فعلاً مصيبة … فين أهالي العيال دي طيب الكارثة الأكبر إن الحفلة اتعلمت من غير ما تاخد موافقة أمنية ولا واخده تصريح إيه اللي حصل بقي اللي حصل إن بعد الحفلة طلعوا ناس على البنات والشباب وهما خارجين من الڤيلا وضربوهم وسرقوهم وتحرشوا بالبنات” .
تابعت، البعض بيقولوا دول بلطجية والبعض الآخر بيقولوا دول عرباوية عملوا كده عشان مخدوش غفره من أصحاب الحفلة .. وأنا بقول ده حصل عشان الشركة المنظمة خارجة على القانون وعملت حفلة متدنية بدون تصريح وبدون علم الجهات المختصة.. لعيال قصر يبقي الشركة دي هدفها تدمير أولادنا وأكبر دليل علي كلامي ده أنهم عملوا الحفلة في مكان مهجور وبدون تصريح وبشكل غير قانوني .. واللي أهم من ده كله فين أولياء الأمور من كل ده إزي الأهل يسمحوا لبنت عندها ١٦ سنة تسهر للصبح برا البيت .. إزي ، أنا بحمل كل أم وكل أب مسؤوليه اللي بيحصل .. مش هتربوا شبابنا وبناتنا بالشكل اللي يليق بمصر متخلفوش بلدنا مش كده وعمرها ما هتبقي كده”.
https://www.youtube.com/watch?v=QQ0htWWnACg
