كشفت الفنانة يسرا عن تفاصيل من طفولتها مع والدتها ووالدها، وروت صعوبات واجهتها في هذه المرحلة.
وقالت يسرا خلال لقاء لها ببرنامج «بصمة»، عبر شاشة تلفزيون قناة «الشرق ديسكفري»: «قعدت سنة ونص مش بشوف حد حتى أمى، وده كان شئء صعب جدا عليا هي كانت كل حياتي، ولو أمي مكنتش مربياني بقوة كان زماني معرفتش أكمل الحياة نفسها».
وتابعت: «اتعلمت منأامي كل حاجة، وجوز أمي اكتشفت حبي ليه بعد ما مشيت من عندها وروحت لـ أبويا وكانت حياتى تعيسة، وعملت مقارنة بين الأب الحقيقي ومعاملته وبين زوج الأم اللي كان أب حقيقي وأكتر من أب».
واستكملت: «لما كبرت وبقى عندي 25 سنة قابلت زوج أمي صدفة في في مدخل العجمي جريت عليه وطلبت منه السماح لأني عاملته وحش جدا وأنا طفلة ومكنتش عارفة قيمته، وكنت أنا سبب طلاقهم».
