خدعت ابني وطلعت متزوجة قبله ومخلفة بنت، وأمها خبت علينا أنها مصابة بحالة شبه صرع.. بهذه الكلمات روت والدة الشاب هيثم عريس الإسكندرية مأساة ابنها مع زوجته ليلة الدخلة .
قالت السيدة مها والدة عريس الإسكندرية خلال لقائها مع الإعلامية نهال طايل، عبر برنامج تفاصيل، المذاع على قناة صدى البلد 2، إن ابنها من ذوي الهمم، وتعرفت على زوجته من قبل جارتها والتي كانت وسيطا في تلك الزيجة، معلقة: حسيت أن البنت مش طبيعية لما شفتها، ولما دخلنا البيت من بابه وروحنا نخطبها سألت أمها وأنكرت أنها مريضة، لكن الست الوسيطة كشفت أنها تعاني من خلل في الغدة ومصابة بحالة شبه صرع.
وتابعت الأم قائلة: «البنت طلعت أكبر من ابنى في العمر وعرفت ده يوم كتب الكتاب، وتمت الخطوبة والجواز كان بعد شهر واحد فقط، لأنهم ضحكوا على هيثم وخلوه يتجوز بعد 30 يوم، وغرق في الديون علشان يقدر يخلص الشقة في أسرع وقت».
وبشأن ليلة الزفاف، علقت والدة عريس الإسكندرية قائلة: «يوم الفرح لقينا ست دخلت مع العروسة غرفة النوم ومكنتش عارفة مين دي وقفلوا على نفسهم الأوضة بالمفتاح، ولما سألنا والدتها قالت دي البنت جالها الطمس، وبالفعل مشينا وباليل بتصل على أم العروسة علشان أطمن منها قالت خلاص اللي في دماغك ده طلعيه وشيليه خالص، ولقيت قلبي انقبض فجأة وخفت على ابني».
واستكملت السيدة قائلة: «طلبت من والد هيثم يروح يشوف إيه اللي حصل؟، ولما راح لقى هيثم وشه أصفر فحكى له كل حاجة وطلب أني معرفش أي حاجة، ووالده من الزعل جاله جلطة وهيثم من الصدمة بقى ينام على شاطئ البحر، وبعدها أم البنت طلبت هيثم وراحوا عند دكتورة تبعهم وضحكوا عليه، واكتشفنا أن الست اللي كانت معاها في ليلة الدخلة متفقة مع الدكتورة».
واختتمت قائلة: «الست اللي ولِّدتها كانت متفقة مع دكتورة عشان تخدع ابني، والطفلة كانت مولودة قبل سنة من الزواج، ودكتور نساء وتوليد سلم البنت شهادة مزورة علشان تتكتب باسم هيثم ابني وطالبنا تحليل DNA لأني شاكة في نسب الطفلة».
